Tomiño celebrará unha party en xullo

Imaxe da pasada edición de conectaTparty

O pavillón de Sobrada en Tomiño acollerá dende ás 16:00 horas do día 16 e ata ás 19:00 horas do 19 de xullo unha nova edición do encontro informático conectaTparty, que este ano adianta un mes a súa celebración e busca incrementar o número de asistentes e mellorar as súas instalacións e actividades.
Este evento, como moitos outros, busca que os asistentes compartan experiencias, participen en relatorios, xoguen en rede e participen en concursos, dando sempre unha especial importancia á interacción social entre os asistentes, que teñen xa aberta a inscrición ao encontro, para o que deberán pagar 23 euros como participantes ou 15 euros os que pensan asistir sen ordenador (de xeito que os acompañantes tamén poden participar das competicións e obradoiros).
Tamén contarán cun servizo de cátering con almorzos a 2,8 euros, xantar a 7 euros e cea a 5,6 euros.