Vitae achéganos á xestión innovadora de políticas retributivas nas empresas
mércores, 13 de marzo do 2019
Vitae
Consultores vai organizar o próximo mes a
segunda edición do seu curso en aberto sobre Elaboración e Xestión
de Políticas Retributivas. O obradoiro, de oito horas de
duración, celebrase na Coruña (Hotel Attica 21) o vindeiro 9 de
abril. O obxectivo desta nova actividade formativa é, novamente,
formar ás nosas empresas e os nosos profesionais nas máis avanzadas
metodoloxías de xestión, comunicación e administración. Máis en
detalle, o curso capacitará aos participantes para conciliar ao
máximo as necesidades e obxectivo da súa empresa coas necesidades e
obxectivos dos seus empregados.
Ou
sexa, que se busca que os nosos profesionais teñan o adestramento
necesario para crear a mellor sintonía entre o que quere a súa
empresa (máis cantidade de unidades producidas, máis calidade de
produto ou servizo, máis satisfacción do cliente, menos custes de
produción) e as demandas do equipo humano (máis soldo, máis
incentivos, máis desenvolvemento profesional, máis conciliación da
vida persoal e profesional, etc).
Segundo
informa Vitae, “o obxectivo da política retributiva dunha empresa,
nesta nova etapa que comeza a abrirse, será atraer, reter e manter
motivados aos empregados, facendo que dean o mellor de si mesmos para
conseguir as metas da empresa, ao menor custe posíbel para a conta
de resultados da compañía”.
En
termos máis concretos, os obxectivos son: comprender a práctica
retributiva como elemento de retención e compromiso coa empresa,
practicar a solución aos problemas típicos que debe afrontar un
director de recursos humanos no día a día, sermos quen de deseñar
a política retributiva da empresa o día seguinte ao remate do curso
e, tamén, maximizar o compromiso dos empregados co éxito do
proxecto da firma na que traballemos.
Tocaranse
temas como os alicerces da política salarial, a análise comparativa
da retribución da empresa, a resolución dos problemas retributivos
habituais ou os principais indicadores de políticas salariais.
A
persoa encargada de impartir estes contidos será Ángel Aledo,
director de recursos humanos con máis de 25 anos de experiencia como
directivo de RRHH en empresas multinacionais referenciais nos seus
sectores, como Otis, Acciona, Heineken ou Renault. Aledo ten unha
ampla bagaxe en formación para os tres aspectos básicos dos
negocios (psicoloxía industrial, executive MBA e enxeñaría
naval) e a día de hoxe é director de Recursos Humanos para o Sur de
Europea e Medio Oriente de Otis Elevators.