Vodafone anuncia unha tarifa de roaming na U.E. con voz, SMS e datos por 4 euros/día

A partir do 30 de xuño Vodafone vai ter dispoñible a nova Tarifa para Hablar y Navegar en Europa, que será a primeira do mercado móbil español que integra voz, datos e SMS para destinos europeos por 4 euros/día, incluíndo 20 minutos de voz, 20 mensaxes de texto e 20 Mbytes de navegación, o que sería unha cota considerablemente inferior á Eurotarifa (una 7 euros/día) e que estará dispoñible para usuarios de smartphones de Vodafone na Unión Europea (incluíndo tamén Suíza, Noruega, Liechtenstein, Islandia, Albania e Turquía), para que podan viaxar ao estranxeiro coa tranquilidade de non ter que facer fronte a cargos inesperados.
Amais, os clientes que realicen un consumo de datos que se achegue aos 50 euros recibirán un aviso mediante SMS e restrínxese o servizo agás que o usuario indique o contrario, pondo así fin a conexións accidentais ou inconscientes que acababan dando pé a facturas de centos de euros.
Os usuarios que desexen esta tarifa poderán activala dende España ou no estranxeiro marcando o número *143# só unha vez (cobrarase só os días nos que se faga uso do móbil no estranxeiro) e no caso de clientes de prepagamento será preciso solicitar a tarifa cada día que se queira facer uso da mesma.