Vodafone non cobrará o 4G aos seus clientes de banda larga móbil

Hai un par de meses Vodafone estreou o seu servizo de banda larga móbil 4G nalgunhas cidades españolas, anunciando que os usuarios dos plans Vodafone RED3, Vodafone RED3 Pro e Vodafone RED4 Pro, así como a tarifa de Internet Móbil de 10 Gb, poderían gozar da nova rede sen custo adicional, mentres que o resto de usuarios de banda larga móbil deberían aboar 9 euros + IVE adicionais para facer uso da rede LTE, aínda que de xeito promocional sería de balde ata o 30 de setembro, pero dende Xataka Móvil aseguran ter confirmado que a operadora decidiu non cobrar definitivamente os 9 euros adicionais para poder gozar de LTE, de xeito que os seus clientes de banda larga móbil poderían conservar as súas tarifas vixentes gozando de 4G.
Se atendemos ás tarifas de 4G de compañías como Yoigo e Orange, a decisión de Vodafone parece bastante atinada, pois o cobro de 9 euros adicionais podería colocar os seus prezos moi afastados aos dos seus competidores, o que podería contribuír a acelerar a actual perda de liñas netas que experimentan tanto Vodafone como Movistar (que en moitos casos rematan en compañías con tarifas máis agresivas).