Vodafone permite VoIP e P2P na súa banda larga móbil

As operadoras de telefonía móbil levan un tempo explotando as súas redes como solucións de acceso á Rede para equipos informáticos, pero habitualmente aplican certas limitacións a este tipo de tráfico, para protexer as súas infraestruturas e garantir a súa calidade de servizo, así como para blindar o seu negocio de voz (prohibindo as conexións de VoIP), pero Vodafone vai flexibilizar a súa banda larga móbil e estrea dúas tarifas Contigo Ilimitado para ordenador: Internet Contigo Express, cun tráfico ilimitado por 32 euros/mes e velocidade de 21,6/7,2 Mbps durante o primeiro Gb de transferencia e Internet Contigo Oro por 49 euros/mes que ten tráfico ilimitado e permite tanto o uso de P2P coma o de VoIP.
A compañía xa contaba coas tarifas Navega Mini, Internet Contigo Ilimitado, Internet Contido Ilimitado + voz, Internet Contigo Ilimitado + Tarifa Plana e Internet Siempre Contigo, con prezos que van dende os 19 aos 54 euros/mes, e que nunca supoñen un pago maior ao contratado (agás no caso das tarifa Navega Mini, que parte de 19 euros pero pode chegar a un máximo de 76 euros).