A Coruña acolle o III Congreso Internacional de Blockchain

Expertos nacionais e internacionais reuniranse durante este fin de semana nas instalacións do Palacio de Congresos e Exposicións da Coruña (PALEXCO) na terceira edición do Congreso Blockchain (CIBTC), un acontecemento que centra boa parte dos seus esforzos en mostrar as principais vantaxes da tecnoloxía de cadeas de bloques, que salienta por pór en xogo un innovador escenario de seguridade e eficacia para o almacenamento e xestión dos datos (bases de datos sólidas, distribuídas, seguras no seu cifrado e axeitadas para incluír nelas información crítica como dereitos de propiedade, credencias, identidades ou acordos). A inauguración será presidida mañá ás 9.30 polo alcalde da Coruña, Xulio Ferreiro, e conta co apoio do Consorcio de Turismo e Congresos da Coruña. CIBTC Coruña propón unha programación transversal con charlas, debates e obradoiros.
Os contidos presentados neste congreso, que se prolongarán de venres e domingo, diríxense a emprendedores, autónomos, PEME e profesionais, que queiran analizar nestas tecnoloxías e coñecer máis o seu uso. Neste sentido, trataranse temas sobre aspectos legais, fiscais e de regulamento da situación do blockchain en España. Tamén se abordarán as posibilidades na industria financeira e medios de pago, na innovación, na transformación dixital e nas redes sociais descentralizadas.
Entre os relatores atópase o deputado nacional e doutor en Enxeñaría de Telecomunicacións Teodoro García Egea, que será o encargado de contar aos asistentes o estado de cousas do blockchain en España e a súa futura lexislación. A súa charla será o mañá, venres 14 ás 12,30 horas.
Participarán tamén expertos das asociacións AgalBit e Blockchain Gal xunto a especialistas de Tecnalia, Grant Thorthon e Telefónica, que achegarán detalles básicos sobre a cadea de bloques para abordar, tamén, algunhas dúas aplicacións concretas máis salientables desta tecnoloxía.