A Guarda presenta unha ferramenta móbil para a a creación de cartas dixitais na hostalaría
martes, 21 de xullo do 2020
O
Concello
da Guarda presentou este mes de xullo unha aplicación dixital para
facilitar ao sector hostaleiro local a creación de cartas dixitais,
unha alternativa axeitada para contrarrestar a disposición que neste
tempo postCOVID prohibe a presenza dos formatos tradicionais a
disposición dos clientes. A ferramenta, que “foi deseñada para
dar apoio ao sector ante as novas medidas obrigatorias para a
prevención do risco da COVID-19”, destaca polo seu funcionamento
simple e sintetizado: permite, en poucos pasos, xerar códigos QR
para a visualización da carta ofertada. Esta, explicou o Concello,
pode ser actualizada segundo conveña aos establecementos,
posibilitando tamén que estes estean localizábeis nun mapa
interactivo. A app está dispoñíbel vía web.
Para
tirarlle proveito, o primeiro paso é formalizar alta como
establecemento e despois de cumprimentar os datos, os responsábeis
dos locais poderán deseñar a información que estará dispoñíbel
en función da súa oferta: carta, menú do día, menú de fóra de
carta e carta de viños. Esta información poderá actualizarse en
cada momento dun xeito automático e polo xestor do local: por
exemplo, se durante a fin de semana non se ofrece o menú do día tan
só hai que desactivar esa opción.