A Nintendo DS chega aos 100 millóns de unidades

Directivos de Nintendo co primeiro modelo de Nintendo DS

Nintendo anunciou que veñen de chegar aos 100 millóns de consolas portátiles Nintendo DS á venda á nivel mundial, co que esta consola que chegou ao mercado en novembro de 2004 situaríase na 4º máis vendida da historia (superada polos 151 millóns de PS2, 118 millóns de Game Boy e 102 millóns de PlayStation) aínda que podería ascender ao 2º posto ao longo do ano.
A Nintendo DS sería a consola que máis rápido chegaría a este número de unidades colocadas no mercado, aínda que nalgúns países (como Xapón) teñen problemas para continuar as vendas pois xa están presentes en case todos os fogares.
Nestes anos a DS xa vai polo seu terceiro redeseño (a DSi), o que contribuíu a manter o dinamismo das súas vendas, e de analizar os xogos que se vende para este dispositivo teriamos que houbo 7 títulos que superaron os 10 millóns de copias (New Super Mario Bros., Nintendogs, Pokémon Diamond & Pearl, Brain Trainning, Mario Kart DS, Más Brain Training e Animal Crossing: Wild World) o que deixa claro que o éxito da DS é tanto de hardware coma de software.