A Nintendo Switch estrea aplicación móbil para o xogo en liña
mércores, 19 de xullo do 2017
Hoxe chegou
á App Store e a Google
Play a aplicación Nintendo Switch Online, deseñada para mellorar a
experiencia de xogo en liña coa nova consola de Nintendo, xa que facilita
convidar aos amigos a xogar a través de redes sociais e comunicarse polo chat
de voz mentres se xoga.
A nova aplicación móbil conta cun apartado destinado en exclusiva ao xogo Splatoon 2, chamado SplatNet 2, no que
podemos consultar todo tipo de datos vitais sobre os combates, comprobar a
porcentaxe de vitorias conseguidas e ver canto territorio cubriuse de tinta en
combate.
A aplicación pode enlazarse con Twitter e Facebook para convidar a amigos a
gozar de xogos compatibles; e o máis rechamante é poder empregar o chat de voz
para conversar con todo os membros dunha sala ou só cos do equipo do xogador
(pensando en coordinar as xogadas en tÃtulos competitivos).
Polo momento o único xogo compatible coa aplicación é Splatoon 2, pero pouco a pouco irase incorporando a moitos máis
tÃtulos, e precisamente por iso o xogo en liña para Nintendo Switch é de balde
até que mude ao modelo de subscrición de pagamento ao longo de 2018.