A Xornada Transformación Dixital e Talento amosará casos de éxito profesional
mércores, 11 de outubro do 2017
A AMTEGA e o CPEIG organizan a Xornada
Transformación Dixital e Talento, un evento que porá en contacto a
empresas, universidades e estudantes ao redor da economÃa dixital o vindeiro
dÃa 16 de outubro en horario de mañá no Auditorio 2 do Edificio CINC da Cidade
da Cultura de Galicia (Santiago de Compostela).
Os relatores que participarán no encontro, seleccionados polo seu perfil
inspirador, son exemplo e éxito profesional: Constantino Fernández, presidente
executivo de Altia; Enrique Dans, profesor de Innovación do IE Business School;
Juan Carrillo, director de Relacións con Clientes de LinkedIn; e David Tomás,
cofundador e CEO de Cyberclick.
A xornada está dirixida ao público en xeral e en particular a
estudantes universitarios, previa inscrición
vÃa web e contará co mago mentalista Javier Luxor, quen actuará de condutor
do acto e mesmo realizará algunha pequena actuación.
A inauguración correrá a cargo da directora da AMTEGA, Mar
Pereira, e do presidente do CPEIG, Fernando Suárez. O presidente executivo de
Altia Consultores abordará na súa intervención os Retos da xestión do talento en servizo de transformación dixital. A
continuación, o profesor de Innovación no IE Business School, Enrique Dans,
falará da Carreira profesional: coa
innovación como clave. Na segunda parte da xornada o cofundador e CEO de
Cyberclick, David Tomás, impartirá a charla A
empresa máis feliz do mundo e o director de Relacións con Clientes de
Linkedin, Juan Carrillo pechará a rolda de intervencións.