A aplicación móbil Waze fala galego
martes, 13 de decembro do 2016
A popular aplicación móbil de mapas con información
colaborativa, Waze, vén de estrear a
localización da súa voz a 4 novas linguas (español, catalán, éuscaro e
galego) de xeito que xa no só poderemos ler os textos en pantalla na nosa
lingua, senón que tamén escoitaremos indicacións e alertas a viva voz na nosa
fala grazas a UxÃa, voz incorporada grazas ao esforzo da comunidade de usuarios
desta ferramenta.
Waze ofrece información de tráfico e navegación baseándose en información
achegada por unha grande comunidade de usuarios que comparten información
viaria e de tráfico en tempo real, buscando asà aforrar tempo e combustible nos
desprazamentos diarios. Deste xeito, os usuarios dan conta da accidentes,
atoamentos, a presenza policial e outros elementos que poden mudar as
condicións do tráfico, de xeito que o resto de usuarios poden mudar a súa ruta
se queren evitar retencións.
Amais tamén incorpora unha capa social a través da que podemos ligar a nosa
posición de GPS coa dos nosos amigos de Facebook cando nos diriximos a un
destino común (ou para calcular o momento de recollida), de xeito que resulte
máis doado sincronizar a chegada.
- Os axustes de Waze permiten que a aplicación presente textos e voces en galego
