A batería da PSP Go non será extraíble

A consola portátil de Sony padece dende os seus comezos certos problemas de piratería, o que queren evitar a toda costa coa chegada do seu modelo PSP Go, centrado nas descargas dixitais (de xeito que as copias ilegais poderían destruír o seu modelo de negocio), e agora un dos seus responsables, John Koller, asegura que ao igual que coa PSP-3000 frearon considerablemente a piratería (por impedir o uso de baterías pandorizadas para cargar firmwares personalizados), a nova portátil carece de batería externa, de xeito que cortan de raíz moitas posibles vulnerabilidades do sistema, aínda que iso tamén ten certos problemas a longo prazo, xa que no caso de viciarse a batería haberá que recorrer a un servizo técnico para cambiala por outra nova.
A PSP Go conta con máis medidas de seguridade, polo que parece que vai librarse da piratería como acontece coa súa irmá maior, a PlayStation 3, que é a única consola da actual xeración que conseguiu librarse das copias ilegais de xogos.