A rebaixa da Xbox 360 dispara as súas vendas nos EE.UU.

Cando Microsoft rebaixou o prezo da Xbox 360 en EE.UU. algúns analistas estimaron que a operación afectaría só lixeiramente ás vendas da consola, que podería incrementar as súas vendas entre un 15 e un 20%, pero dende as tendas de videoxogos (como a cadea norteamericana GameStop) non pensaban o mesmo e aseguraban prever un incremento das venda que estaría entre o 100 e o 300%, o que sería bastante significativo.
Agora que a rebaixa xa é unha realidade, se confirma que moitas tendas están a dobrar as súas vendas da consola de alta definición de Microsoft (e nalgún caso incluso multiplican por 6 o número de unidades vendidas) pois o feito de que a potente consola se converta na máis barata da nova xeración (cun prezo por debaixo do da Nintendo Wii) lle dá moito atractivo de cada ao Nadal, podendo ter afectado tamén o feito de que a xente dea por rematadas as grandes exclusividades de Sony (pois a saga de Final Fantasy tamén estará presente na Xbox 360), de xeito que elixir entre unha ou outra consola é máis doado.
Hai que lembrar que a Xbox 360 non é só unha consola de videoxogos, senón que tamén se pode empregar para a reprodución multimedia (podendo achegar contidos dende DVD, disco duro ou rede local) polo que é unha das opcións máis económicas para os usuarios que queiran aproveitar a calidade do seu televisor de alta definición.
Microsoft aínda non deu datos reais sobre as vendas trala rebaixa da súa consola, pero aínda que non se espera que afecte en absoluto ás vendas da Nintendo Wii (da que moitos establecementos advirten que se vai volver a esgotar no Nadal) podería afectar moi negativamente a Sony, que ten moitas dificultades para consolidar a PS3 no mercado norteamericano.