A tecnoloxía será un dos piares do II Foro Económico La Galicia que viene

Os xornais dixitais galegos Quincemil e Treintayseis organizan os vindeiros días 12 e 13 de abril o II Foro Económico Español La Galicia que viene no PALEXCO da Coruña, contando estes simposio coa participación de políticos, personalidades e profesionais claves para o futuro de Galicia. Na cita analizaranse os desafíos e retos aos que se enfronta a nosa comunidade autónoma, como a súa política e economía, a sanidade galega, a industria e a tecnoloxía e os obxectivos da Axenda 2030.
O evento ten aberta a súa inscrición para acudir presencialmente, e tamén poderase seguir en directo a través da páxina de portada de El Español, Invertia, Quincemil e Treintayseis.
Entre os contidos deste foro dedicados ao sector tecnolóxico podemos comentar que o 12 de abril ás 11:10 manterase unha conversa con António Coimbra, presidente de Vodafone España; ás 12:40 terá lugar unha mesa redonda sobre educación na que participará Pablo Rodríguez (Hack a Boss); e ás 18:15 manterase unha conversa sobre dixitalización e industria con Salvador Naya, vicerreitor de Política Científica, Investigación e Transferencia da UDC.
O día 13 a sesión de tarde está destinada ao mundo tecnolóxico, con conversas con Javier Martínez Torres (NTT Data Galicia) e Fernando Vázquez (Clúster TIC Galicia), e mesas redondas sobre intelixencia artificial, comercio electrónico e criptomoedas, NFT e a nova economía da Internet.