A vindeira edición de TEDxGalicia celebrarase na Cidade da Cultura
mércores, 22 de xullo do 2015
O
pasado mes de xaneiro celebrouse con certo retraso a edición de 2014 do
evento TEDxGalicia baixo o lema do Faino
ti, pero para o presente ano esta serie de interesantes relatorios que
abordan temas como a tecnoloxÃa, o lecer e o deseño (que en inglés formas as
siglas TED) vai anticiparse no calendario, celebrándose
durante o vindeiro 19 de setembro no andar -1 do Museo Centro Gaias, un dos
edificios máis singulares da Cidade da Cultura de Galicia, o que é posible
grazas á colaboración do Centro de Emprendemento (CEM) sito no mesmo enclave.
A nova edición de TEDxGalicia estará ligada moi especialmente á cultura e á
creatividade, como aceno á localización do evento que aglutinará diversos
relatorios en vivo que posteriormente poderán seguirse a través da Rede, xa que
o auténtico obxectivo dos eventos TED non é outro que a produción desas pezas
que permitan inspirar e transmitir coñecemento moito máis aló do que permitirÃa
un simple encontro presencial.
A xornada do TEDxGalicia contará con distintas actividades abertas durante a
mañá do dÃa 19, como TEDxGaliciaU (que ofrecerá un espazo para presentar
ideas), mentres que o propio TEDxGalicia desenvolverase de 16:00 a 20:00 horas.
As entradas para poder asistir ao encontro poranse á venda o vindeiro venres, e
ata o domingo terán un prezo promocional de 25 euros.
