A vindeira semana ExpOtaku volve á cidade da Coruña
xoves, 18 de maio do 2023
O
recinto feira de EXPOCoruña acollerá entre os dÃas 26 e 28 de maio unha nova
edición de ExpOtaku
A Coruña, encontro entre os afeccionados á cultura asiática, o cosplay e os
videoxogos, que durante unha fin de semana comparten experiencias, adquiren produtos en
numerosos expositores, coñecen produtos artesáns e obras de ilustración,
achéganse a videoxogos de estudios independentes e participan nunha manchea de actividades
que xa están debidamente programadas para que os interesados en acudir
poidan organizarse. As entradas para o evento poden adquirirse no portelo de
billetes do evento, aÃnda que recoméndase a súa compra anticipada a
través da Internet a un prezo de 9 euros dÃa, 17 euros 2 dÃas ou 24 euros
os 3 dÃas.
ExpOtaku contará con convidados que van dende cosplayers até tiktokeiras e
youtubeiros, que servirán de boa mostra do reflexo que ten na Rede a cultura
que se dá cita en EXPOCoruña. Incluso a robótica ten os seus espazos no
recinto, coa presenza de Project Droid e un photocall interactivo con
robots e, na sesión de tarde do sábado, con obradoiros de robótica con LEGO
(aos que seguirá un obradoiro de animación e creación de videoxogos).
O sector dos videoxogos será un ano máis un dos puntos fortes do evento, con moitos
postos de xogo libre de consolas de videoxogos modernas e clásicas, de xeito
que tanto podemos botar unha partida ao último éxito para PlayStation 5 como
lembrar os xogos da Super Nintendo. Durante as distintas xornadas tamén se
desenvolverán numerosos torneos de distintos videoxogos (entre os que destacan
especialmente os tÃtulos de loita, moi acaÃdos para o xogo competitivo).
- En ExpOtaku é habitual atopar algún tipo de videoxogo de importación sorprendente