Amazon comezará o vindeiro domingo as súas rebaixas previas á campaña de Nadal

Os consumidores que queiran adiantar algunhas compras de cara ao Nadal de seguro que están pendentes á celebración do Black Friday a semana que vén, momento que indica o inicio da campaña de Nadal nos EE.UU. e que celébrase con grandes descontos para animar a non deixar as compras para o último día, e que nos últimos anos tamén permitiu que nos puidésemos beneficiar dende España, especialmente na compra de electrónica, polo que resultará moi recomendable realizar certas compras o venres da semana que vén.
Pero en Amazon.com están a prepararse dun xeito moi especial de cara ao Black Friday, e non limitarán as rebaixas a un único día, senón que repartirán os descontos durante toda unha semana a partir do vindeiro domingo. Deste xeito as rebaixas non serán só o día despois de Acción de Grazas, senón que chegarán pinga a pinga durante toda a semana, sendo de agardar algunhas sorpresas que de seguro que esgotarán existencias en poucos minutos.
Para comezar a abrir boca, Amazon informa dalgunhas das rebaixas que fará nos vindeiros días, sorprendendo por exemplo que vendan televisores da marca Seiki en tamaños de 32 e 50 polgadas a 98 e 229 dólares respectivamente, o Chromecast de Google a 29,99 dólares, un reprodutor de Blu-ray de Sony con Wi-Fi por 54,99 dólares, a Xbox 360 de 250 Gb cos xogos Halo 4 e Tomb Raider por 189,99 dólares, a PlayStation 3 de 250 Gb cos xogos The Last of Us e Batman: Arkham Origins por 199 dólares, populares xogos como o mencionado de Batman e Grand Theft Auto V por só 34 dólares e incluso títulos como FIFA 14 e Battlefield 4 por só 25 dólares. Auténticas gangas que moitos internautas non poderán resistir e das que agardamos que haxa promocións semellantes ao outro lado do Atlántico.