Aparece unha versión totalmente crackeada de Windows Vista
venres, 18 de maio do 2007
A aparición de versións pirateadas de programas
informáticos non é habitualmente unha nova, pero nesta ocasión a publicación The Inquirer
considerou axeitado comentar que xa circula na Rede unha copia do sistema
operativo Windows Vista que parece estar totalmente crackeada.
A versión pirata de Vista provén dun grupo denomeado NoPE, e que está a
compartirse a través de redes P2P, e destaca por non precisar número de serie,
instalarse coma se xa estivese activado e mesmo permitir a súa actualización a
través da Rede, de xeito que o crackeo
do sistema é transparente para o usuario.
The Inquirer asegura que os seus lectores informan de que esta nova copia do último
sistema operativo de Microsoft funciona á perfección, algo que non pasaba cos
intentos anteriores, pois Vista incorpora moitas medidas de seguridade que se
converteran en todo un pesadelo para os piratas que agora parece pasar a mellor
vida (aÃnda que queda por ver a reacción de Microsoft ante estas copias).