Apple actualiza os seus iMac

Cumprindo coas expectativas, hoxe Apple renovou os seus iMac, incrementando a súa velocidade e reducindo o seu prezo, facendo máis populares estes equipos de escritorio, que finalmente baixan a barreira dos 1.000 euros.
Os novos iMac contan con procesadores Intel Core 2 Duo máis potentes, que combinados co sistema operativo Leopartd e o paquete de aplicacións iLife ’08 se converten nuns equipos moi completos que van dende o modelo de 20 polgadas cun procesador a 2,4 GHz, 1 Gb de RAM, disco duro de 250 Gb e unha tarxeta gráfica Radeon HD 2400 XT de ATI con 128 Mb de memoria (que se vende a 999 euros) ata o modelo de 24 polgadas cun procesador a 3,06 GHz, 2 Gb de RAM, disco duro de 500 Gb e unha tarxeta de vídeo NVIDIA GeForce 8800 GS con 512 Mb de memoria (cun prezo de venda de 1.819 euros).