Apple rebaixa os seus iPod nano e classic

Trala rebaixa do iPod shuffle a pasada semana, Apple cambia agora os prezos dos seus irmáns maiores, e os iPod nano de 8 e 4 Gb pasan de custar 189 e 139 euros a 179 e 129 euros, mentres que os iPod classic de 160 e 80 Gb pasan de 339 e 239 euros a venderse a 319 e 219 euros respectivamente, ou sexa, que os compradores poden beneficiarse dun aforro de entre 10 e 20 euros.
A rebaixa de prezo mellora considerablemente a competitividade dos reprodutores de Apple, que desta volta reducen o seu prezo en vez de incrementar as súas prestacións, o que normalmente prefire o usuario medio.