Asus presenta un portátil de bambú

A taiwanesa Asustek presentou o Asus Eco Book, que é un portátil cunha carcasa elaborada con tiras de bambú laminadas de xeito que sería máis ecolóxico que os equipos con cubertas de plástico e metal.
O equipo aínda é un prototipo, pero a resistencia do bambú podería ser ideal para o seu uso en ordenadores, xa que ten unha resistencia elevada, pero na actualidade están a estudar se poderá soportar condicións extremas como as causadas polas elevadas temperaturas que acadan os microprocesadores e as pantallas.
Deixando o coidado da natureza a un lado, a incorporación de carcasas cada vez máis orixinais axuda considerablemente ás vendas, pois os usuarios queren fuxir da homoxeneización dos equipos e se senten atraídos por terminais curiosos, como foron os portátiles forrados con pel de vacún ou con pel de caimán de imitación, que foron moi populares en 2006.