BlockGalicia reivindicou a tecnoloxía das cadeas de bloques e a súa transversalidade

A pasada fin de semana BlockGalicia converteuse no evento referencia da tecnoloxía blockchain a nivel nacional e xa con transcendencia a nivel internacional combinando nun macroevento a profesionais desta tecnoloxía nas distintas áreas de aplicación, desde a industria alimentaria até a ciberseguridade, pasando polo metaverso, os NFT e o gaming.
O congreso conseguiu superar os seus obxectivos, que eran ser un evento formativo, educativo e divulgativo transversalmente, desmitificar a errónea concepción de relacionar exclusivamente a tecnoloxía blockchain coas criptomonedas e coa ilegalidade e destacar a transversalidade da aplicación desta disruptiva tecnoloxía.
Unha das xornadas máis importantes do evento foi a que a organización denominou día 0, na que a aceptación e participación dos congresistas foi masiva, e no que se introduciu a este tecnoloxía ao público xeral, achegando os fundamentos e outros elementos como a ciberseguridade e a lexislación.
Durante a inauguración do congreso destaca a participación do Colexio Oficial de Enxeñeiros Técnicos de Telecomunicación de Galicia, a través do seu decano, José Manuel Martínez, quen foi moi esixente e reivindicativo perante os asistentes e as institucións: “Por desgraza, desde o punto de vista dunha estratexia institucional recoñecible a escala nacional, non estamos a atender coa seriedade necesaria o salto que se está producindo con en relación coas Telecomunicacións, a transformación dixital, a IA e as súas aplicacións. Fáltanos ambición á hora de aproveitar as oportunidades que as telecomunicacións e o blockchain pódennos ofrecer como sociedade”.
Tanto a Xunta de Galicia, patrocinador do evento e representada por RETEGAL no acto inaugural, como o Concello de Santiago de Compostela, recolleron a luva á proposta do decano autonómico. Comprometéronse a integrar esta tecnoloxía na administración coa axuda de ambos os organizadores COETTGA e AGALBIT, así como a facilitar este tipo de eventos tan necesarios na sociedade de hoxe en día, “a dixitalización e a evolución tecnolóxica pasa primeiramente pola formación da nosa sociedade”.
A organización do I Congreso internacional de Blockhain de Galicia concluíu que o encontro soubo a pouco, pese a que as súas actividades desenvolvéronse ao longo de tres xornadas intensas, con charlas, obradoiros e mesas de debate.
Expresáronse opinións e conclusións moi significativas de man dos asistentes sobre produtos, aplicacións e tecnoloxías emerxentes, así como o propicio ambiente de networking entre empresas e os profesionais que están a deseñar o futuro da blockchain a nivel mundial. O gran logro do evento foi poder conectar aos asistentes con profesionais e persoas afíns, establecendo un precedente significativo no sector.
Durante estes tres días, Santiago de Compostela transformouse no epicentro do coñecemento no ámbito das telecomunicacións, a tecnoloxía blockchain e o futuro dun potencial modelo económico-financeiro dixital mundial, coa importancia e responsabilidade que todo iso supón.
A organización do evento confía na súa consolidación en futuras edicións.