Cae a demanda de ordenadores ultraportátiles

Que 2008 foi o ano dos ordenadores ultraportátiles de baixo custo non parece ser algo que dubide ninguén, pero a burbulla parecer ter esbourado, e durante o primeiro trimestre do ano a demanda deste tipo de equipos caeu un 26%, o que sería máis do que poderiamos xustificar polo feito de que o Nadal disparase as vendas.
Pero este cambio de escenario podería responder directamente a que o público comezou a ser consciente do que realmente é un ultraportátil de baixo custo, e que non serve coma ordenador principal, o que deixou claro a súa importante taxa de devolucións.
Tamén están a xogar un papel importante nesta situación o feito de que a barreira entre un portátil pequeno e un ultraportátil é cada vez máis pequena, as configuracións dos equipos non cumpren coas expectativas (normalmente prometen unhas autonomías das que non son capaces coas baterías que inclúen de serie) e incluso a proliferación de modelos moi dispares complica a creación de marca deste tipo de ordenadores. Así pois é razoable que estes equipos recuperen o seu espírito inicial, e só os adquiran os usuarios que realmente os necesitan ou poden tirar proveito deles.