Carlos Barrabés acode esta semana a Santiago para falar de sustentabilidade e innovación
martes, 5 de marzo do 2019
A Asociación
para o Progreso da Dirección (APD) celebra este xoves 7 de marzo, en
Santiago, a segunda sesión do ciclo APD Talks con Carlos Barrabés
baixo o tÃtulo Deseñando o mañá. Para quen non o saiba,
Barrabés é o presidente do referencial grupo empresarial que leva o
seu apelido e está considerado un dos profesionais españois máis
influentes no ámbito empresarial. É fundador de Barrabes.com,
unha das primeiras webs de comercio electrónico do mundo.
O
relator ten diversos cargos representativos nunha manchea de
entidades, e puxo en marcha máis de 20 empresas en diferentes eidos,
amais de ser o impulsor de Step One, aceleradora de negocios en
Silicon Valley e o creador de ESNEPI (Escola de Negocios do Pirineo).
Amais, Barrabés é patrón da Fundación Empeza a Educar, da rede
Teach For All e de Ashoka, primeira rede mundial de innovación en
programas de emprendemento social.
No
encontro falará sobre a importancia da sustentabilidade para o noso
medre económico. As inscricións deberán realizarse a través da
páxina web de APD. A
cita dará comezo ás 11.00 horas e desenvolverase até case a hora
do xantar. Celebrarase no Hotel A Quinta da Auga, no 23B do Paseo da
Amaia.