Comeza a normalizarse o abastecemento de dispositivos para acceder á TDT de pago

Algunhas tendas xa contan con stock dos receptores Q-Bo Premium de Televés

Despois dun primeiro mes de abastecemento case nulo de receptores, a TDT de pago en España comeza a normalizarse, e en máis do 90% do territorio xa é posible adquirir tanto módulos CAM coma receptores externos para poder acceder á TDT Premium, de xeito que a demanda actual (que é bastante reducida) estase atender sen moita dificultade. Agora xa non só temos dispositivos de Engel, senón que fabricantes coa Televés e Ikusi xa teñen os seus receptores no mercado.
Podemos entender que xa é posible adquirir zappers para a TDT de pago, faltando agora que cheguen as tendas outros dispositivos máis avanzados que permitan a gravación, os servizos interactivos e a alta definición, pois polo momento non hai receptores con estas posibilidades á venda (agardándose que cheguen de cara ao Nadal).