Definen as especificacións do que serán os novos Origami 2.0

O proxecto Origami de Microsoft, que era o que sentaba as bases dos UMPC ou ordenadores ultra-móbiles, está a ser revisado de xeito que xa hai unhas especificacións do que serán os Origami 2.0: equipos con pantallas de ata 7 polgadas cunha resolución de 1.024 x 600 píxeles, teclado QWERTY, un grosor de entre 18 e 20 mm, un mínimo de 1 Gb de RAM e conectividade sen fíos Bluetooth, Wi-Fi e WiMAX.
Segundo Vikram Madan, director de desenvolvemento de Microsoft, os novos UMPC terían un prezo de entre 499 e 599 dólares (fronte os prezo actual, que vai dende os 600 e os 1.000 dólares) para poder acadar o éxito que non conseguiu a súa anterior xeración, que resultaba pouco axeitada para a demanda do mercado.