En España devólvense á tenda o 8% dos produtos de electrónica de consumo vendidos

Un estudo de Accenture realizando entre consumidores que adquiriron algún produto de electrónica de consumo no último ano revela que o 8% dos produtos mercados devólvense aos comercios de orixe, argumentándose principalmente avarías do produto durante o uso ou que non funciona como se agardaba (ou danos sufridos ao quitar da caixa).
Curiosamente estamos preto das relacións de devolución de Suecia (7%) ou Reino Unido (9%) pero moi lonxe dos casos de Alemaña (1%) e Francia (12%), e no vello continente os motivos argumentados normalmente son a supostos fallos (que na práctica son dun 5% a nivel mundial), mentres que nos EE.UU. (onde a taxa de devolucións é do 11%) o remordemento do comprador se acepta sen problemas nas devolucións. Esta última práctica resulta máis beneficiosa para os establecementos comerciais, pois se evita remitir ao servizo técnico un produto en perfecto estado (cun aforro de gastos considerable) e mellora a relación cos consumidores.
En Europa os produtos que máis se devolven son os ordenadores portátiles (5%), os reprodutores de MP3 (5%), os GPS (4%), os auriculares (4%) e os reprodutores de DVD (4%).