Este Nadal, os lectores de libros electrónicos serán o regalo estrela en Galicia

Xa hai semanas que o Nadal chegou aos escaparates das principais tendas do país, porén atrévome a afirman sen risco a equivocarme que foron moi poucas as persoas que, adiantándose ás circunstancias (que veñen inevitablemente ligadas a estas datas), xa fixeron as súas primeiras compras coas que agasallar aos seus seres queridos e amigos.
De ser así, lonxe das clásicas gravatas, perfumes, bufandas ou pantuflas de andar pola casa, os regalos tecnolóxicos veñen sendo, dende hai xa uns anos, unha boa alternativa para sorprender aos nosos seres queridos.
Neste senso, Ocio Networks, unha rede de blogs con máis de 7 millóns de usuarios únicos mensuais, vén de elaborar un Estudo de Hábitos de Internet, no que analiza o coñecemento e a intención de compra dos últimos gadgets e dispositivos electrónicos do mercado por parte da cidadanía, entre os que se atopan o Kindle de Amazon, o iPad de Apple, o móbiles con Android e a plataforma Orbyt, entre outros.

Intención de compra nos vindeiros 6 meses (a nivel estatal)

O estudo afirma que un 32 por cento dos internautas enquisados en Galicia “ten unha alta intención de mercar un libro electrónico nos vindeiros 6 meses”, algo que confirma que este ano, malia que xa se leva tempo dicindo, “vai a ser o definitivo para que os lectores de e-books disparen as súas vendas”.
A nivel nacional, o Kindle de Amazon é o gadget favorito dos internautas españois (46 por cento), seguido do iPhone 4 (36 por cento), o iPad (15,2 por cento) e o móbill con Android (11,9 por cento).
Aquí en Galicia sumámonos á intención de compra estatal e o 39 por cento dos enquisados tamén se decantan por comprar o Kindle de Amazon, mentres que o 41 por cento revela o seu gusto polo iPhone 4.
Malia que os analistas apuntaban o 2015 como a data definitiva para o lanzamento masivo de lectores de libros electrónicos, semella que as modas adiantáronse ás previsións e este ano vai ser clave para a popularización de e-books e tablets, grazas, en parte, “ao éxito do iPad de Apple logo do seu lanzamento”.