Este venres celébrase o II Evento TIC Ferrolterra
mércores, 10 de decembro do 2008
A
Asociación de Empresas de Tecnoloxías da Información e Comunicación de
Ferrolterra (TIC Ferrolterra) vai organizar, o vindeiro venres día 12 de
decembro, o II Evento TIC Ferrolterra,
que contará coa participación de distintos representantes de destacadas
empresas do sector tecnolóxico.
A
Xornada terá lugar na Fundación Caixa Galicia de Ferrol e estenderase dende as
nove da mañá ata as seis e media da tarde, a fin de mostrarlle aos asistentes
as principais achegas das TIC aos traballos e tarefas cotiás de todo tipo de
traballadores.
A
intención dos organizadores é darlle ás Tecnoloxías da Información e a
Comunicación a “importancia e o
protagonismo que debe dárselles, tanto dende unha perspectiva empresarial, como
dende un punto de vista persoal”.
