Ferrol acollerá un curso para obter maiores apoios á innovación da UE
xoves, 2 de decembro do 2010
Trinta xestores de proxectos galegos terán ocasión de formarse,
os dÃas 15 e 16 de decembro, en preparación de propostas para o sétimo Programa
Marco da UE. A cita será en Ferrol, nun curso intensivo organizado pola Fundación
para o Fomento da Calidade Industrial de Galicia no marco do proxecto europeo
ER-INNOVA. O curso, que ten o obxectivo de achegar os coñecementos precisos
para afrontar con éxito a elaboración de propostas de proxectos europeos de
I+D, conta co apoio de EGANET, Tecnópole e NET Novas empresas e TecnoloxÃas
(NET-BIC Porto).
Cómpre sinalar que o sétimo Programa Marco da UE ten un
orzamento superior aos 50.000 millóns de euros e pasa por ser o principal
instrumento de financiamento en innovación da Unión Europea. A actividade
formativa para participar destes apoios está dirixida a xestores de proxectos
en empresas, centros de investigación públicos e privados e centros tecnolóxicos
do sector enerxético. O prazo de inscrición para asistir ao curso remata este
xoves 9 de decembro. A actividade terá un lÃmite de 30 prazas. A información
que nos será precisa para formalizar a inscrición está dispoñible na web de
ER-INNOVA. Este proxecto púxose en marcha en 2009 coa finalidade de
traballar para a mellora da competitividade das nosas empresas pola vÃa tecnolóxica,
máis polo miúdo as do sector das enerxÃas renovables da eurorrexión
Galicia-Norte de Portugal con base nas novas tecnoloxÃas da información e as
comunicacións.
