Fíltran detalles sobre un móbil de LG cunha pantalla panorámica 21:9

Pese a non estar oficialmente anunciado, a filtración dun vídeo presentándoo dá a coñecer o espectacular móbil LG Chocolate BL40, que conta cunha pantalla multi-táctil panorámica 21:9 de 4 polgadas cunha resolución de 800 x 345 píxeles, interface de usuario Active Flash UI, HSDPA (ata 7,2 Mbps), A-GPS, Wi-Fi, Bluetooth e cámara.
O terminal aínda non se veu fisicamente, e haberá que ver cómo funciona no mundo real, pero polo momento anuncia sorprender a calquera que o vexa, por ser un dispositivo cun formato bastante revolucionario, do que haberá que ver se existe demanda do público, pois tanto poden considerar demasiado longo o terminal como agradecer o seu ancho de pantalla para facilitar o acceso a contidos da Internet.