Flipboard chega á versión 4.0

A aplicación Flipboard veu a luz en 2010 como un xeito de converter ao iPad nunha ferramenta na que poder consumir os contidos informativos compartidos en redes sociais como Facebook e Twitter nun formato semellante ao dunha revista tradicional, estreando anos despois a posibilidade de realizar escolmas de contidos personalizadas, ou sexa, facilitando que os usuarios poidan crear as súas propias revistas virtuais para consumo propio ou para compartir con outros usuarios.
Durante os últimos anos esta ferramenta foi evolucionando para reaccionar ante a inmensidade de contidos que se comparten e as distintas fontes da información, e como un xeito de continuar a avanzar na mesma dirección presentan agora Flipboard 4.0, unha revisión da aplicación que busca achegar unha mellor experiencia de uso, de xeito que os usuarios poidan gozar da súa experiencia lectora co menor esforzo pola súa banda. Para conseguir iso as historias que se comparten organízanse dun xeito diferente que dan en chamar Smart Magazine, que axiliza a localización de contidos interesantes para o usuario.
Para esta importante mellor de Flipboard o sistema conta con algoritmos de aprendizaxe que analizan a actividade do usuario, de xeito que canto máis se interactúe a aplicación, mellor será a experiencia que se conseguirá nesta versión aplicación que xa está dispoñible para iOS e para Android.