Francisco Ros inaugura mañá o congeso proTELECOM 2008

O secretario de Estado de Telecomunicacións e para a Sociedade da Información, Francisco Ros, vai participar mañá, día 18 de novembro, na inauguración do IX Congreso Nacional de Telecomunicacións proTELECOM 2008, que terá lugar no salón de actos da Secretaría de Estado de Telecomunicacións e para a Sociedade da Información en Madrid ás 09:30 horas.
O congreso, organizado pola Asociación Multisectorial de Empresas Españolas de Electrónica e Comunicacións (Asimelec), terá este ano como temática central, a regulación do sector das telecomunicacións en Europa e en España, así como os retos de futuro plantexados.
Os responsables do evento veñen de anunciar a asistencia ao mesmo da eurodiputada do Grupo Popular e dos Demócratas Europeos, Pilar del Castillo, así como da eurodiputada do Grupo Socialista, Francisca Pleguezuelos.
Asemade, intervirá o presidente da Comisión do Mercado das Telecomunicacións, Reinaldo Rodríguez, e outros profesionais que cubrirán as distintas materias relacionadas coa actualidad do sector das telecomunicacións.
A Gobernanza en Internet será obxecto de debate e falarase das Radiocomunicacións e do Fogar Dixital.