Gaspar Llamazares deu o primeiro mitin dun político español en Second Life

O coordinador xeral de IU, Gaspar Llamazares, trala súa estrea en Second Life deu o primeiro mitin dun político español en tal espazo virtual. Para a realización do evento, Llamazares acudiu fisicamente á sede federal do seu partido en Madrid, onde deu o seu discurso, mentres que a súa voz se transmitía simultaneamente ó escenario virtual de Second Life, onde asistiron entre 80 e 89 avatares.
No acto o político comprometeuse a impulsar con máis recursos as novas tecnoloxías para evitar a fenda dixital existente en España. Con esta iniciativa pioneira Llamazares tamén procura achegarse tanto á xente moza como ás persoas que están moi implicadas en experiencias virtuais coma Second Life.
O evento foi dobremente innovador, pois achegou tanto un mitin virtual coma unha experiencia de voz en tempo real, aínda que o acto foi breve, e pese a que pretendía unha achegamento ós habitantes de Second Life, ó rematar a intervención non se aceptaron preguntas nin se agardou para que os asistentes puideran sacar fotografías con Llamazares á vez que vestían algunha das camisetas de IU que regalaban no encontro dixital.
A intervención púidose ver a posteriori na web de IU: