Geohot publica os seus achados sobre a seguridade da PS3

O anuncio de George Geohot Hotz de ter vulnerado a seguridade da PlayStation 3 deixou de ser unha información sen confirmar e o rapaz que se fixera popular por ser un dos referentes na desprotección do iPhone publicou finalmente o fallo de seguridade detectado na PS3, de xeito que outras persoas poden comprobalo, deixando así na scene a posibilidade de tirar proveito do mesmo para, por exemplo, executar xogos copiados, o que actualmente está lonxe de conseguirse, pois abrir o acceso á memoria da PS3 só é o primeiro paso para analizar a información capturada e así atopar métodos que poidan levar ao pirateo da consola doméstica de Sony, que leva mais de 3 anos evitando a piratería, o que é todo un logro.