Google Pack inclúe o paquete StarOffice

Google distribúe dende hai tempo unha serie de aplicacións informáticas de balde (Google Pack) que pretenden facilitar a vida ós seus usuarios, e que se limitaba nun principio a programas propios (Google Earth, Google Desktop, Picasa e a barra de Google para os navegadores Internet Explorer e Firefox) pero que se foi abrindo a produtos de terceiros coma o Norton Security Scan, o Spyware Doctor (versión de proba), o Adobe Reader, RealPlayer, Skype e agora tamén ó paquete de produtividade StarOffice.
O StarOffice é unha solución ofimática completa que inclúe aplicacións para o proceso de textos (Writer), folla de cálculo (Calc), realización de gráficos (Draw), presentacións multimedia (Impress) e base de datos (Base), sendo compatible con documentos creados polo Office de Microsoft, e se viña vendendo por 69,95 dólares, polo que os usuarios que queiran usar esta aplicación (en vez da súa variante de balde OpenOffice.org) tamén o poderán facer de xeito gratuíto.