Google estrea aplicación de copias de seguridade para Drive e Fotos
mércores, 12 de xullo do 2017
As últimas ameazas de ransomware lembran a importancia de ter copias de seguridade dos
nosos ficheiros máis importantes, e para atender a tal demanda Google move
ficha e presenta hoxe a renovación das aplicacións de carga de arquivos de
escritorio de Google Fotos e Google Drive para Mac e PC de xeito que a partires
de agora estas
aplicacións son unha solución de copia de seguridade e sincronización dos nosos
ficheiros nos servidores na nube de Google.
Esta nova aplicación permite que
elixamos os cartafoles do noso equipo dos que desexemos ter copia para que, de
xeito automático, teñan copias de seguridade automáticas, sen que o
procedemento de salvagarda dos ficheiros teña que ser unha preocupación para
nós.
Cómpre detallar que tamén pode configurarse a aplicación para que faga copias
de seguridade dos dispositivos USB e as tarxetas de memoria que conectemos ao
ordenador, o que resulta de especial interese para almacenar copias das nosas
fotografÃas sen que teñamos que tomar un rol activo á hora de facer as copias.
En calquera caso hai que lembrar que o espazo de almacenamento en Google Drive
non é ilimitado, polo que esta nova aplicación pode entenderse como un
incentivo para a contratación de máis capacidade de disco nos servidores de
Google e conseguir atraer subscritores de outras aplicacións como Dropbox.
