Ineo fai balance do que foi o 2008 para o sector tecnolóxico de Galicia

Mañá mércores, 17 de decembro, terá lugar no Auditorio da Zona Franca de Vigo, a presentación do Informe Ineo 2008, na que se levará a cabo unha análise dos factores de competitividade do sector TIC galego.
O acto terá lugar ás 16:30 horas, e nel, distintos profesionais do sector empresarial galego, darán a coñecer os datos obtidos das empresas do sector tecnolóxico de Galicia en materia de competitividade de xeito que se convirtan nun modelo aplicable ao resto dos sectores empresariais para elaborar as súas estratexias de negocio e incrementar a súa produtividade.
O valor deste informe, segundo os responsables de Ineo, “reside na utilidade que lle ofrece ás empresas á hora de elaborar ou adaptar os seus plan estratéxicos e os seus plans de negocio posto que lles ofrece unha visión global dos seus niveis de intensidade competitiva”.
A presentación do Informe Ineo 2008 contará coa presenza de José Ramón Fernández Antonio, conselleiro de Economía e Facenda da Xunta de Galicia, Teresa Pisano Avello, delegada do Estado para a Zona Franca de Vigo, Álvaro Álvarez-Blázquez, director xeral do IGAPE e Jorge Cebreiros, presidente de Ineo.
Asemade, asistirán ao acto distintos membros do Consello Consultivo e da Xunta Directiva de Ineo.