Innovación financia, con medio millón de euros, a formación TIC nos parques empresariais galegos
mércores, 27 de agosto do 2008
O conselleiro de Innovación e
Industria, Fernando Blanco, vén de anunciar que vai asinar un convenio de
colaboración co presidente da Federación Galega de Parques Empresariais
(FEGAPE) para a posta en marcha dun plan de formación en novas tecnoloxÃas da
información e a comunicación (TIC) dirixido a tódalas empresas do paÃs.
A iniciativa, que se enmarca no Plano Estratéxico Galego da Sociedade da
Información (PEGSI) e no Plan Avanza, consiste nun plan de formación que chegará
aos 97 parques empresariais de Galicia e actuará en tres campos: a factura
electrónica, o DNI dixital e o comercio electrónico.
Todas as accións de formación para o
desenvolvemento do presente convenio disporán dun módulo no que se recollerán
as vantaxes que ofrece para as PEMES o emprego de software libre. Ademais,
debido á magnitude do alcance do proxecto (a totalidade dos parques), as
accións formativas dividiranse en zonas de actuación, de xeito que todos os
parques teñan a posibilidade de acceder a calquera dos cursos que se
desenvolvan nas localidades próximas á súa localización xeográfica.
Fernando Blanco apuntou que achegará o
100 por cento do orzamento preciso para o desenvolvemento destas actuacións, un
total de 509.362 euros.