Instagram incorpora o gardado de publicacións

Cada vez hai máis contidos en Instagram, e dado que, aparte de imaxes, en moitas ocasións tamén hai vídeos, non sempre podemos estar en condicións de poder atender ao seu contido, de aí que decidisen incorporar unha nova funcionalidade á aplicación que máis peso está a coller nos últimos meses: a posibilidade de gardar publicacións.
A partires de agora, debaixo das fotografías e vídeos de Instagram teremos unha icona dun marcador que, se prememos sobre a mesma, incorporaremos a publicación a unha listaxe de contidos gardados á que só poderemos acceder nós, e que permiten que tanto poidamos etiquetar un contido para velo máis tarde, como poder recompilar material do que gustemos especialmente para poder revisalo sen ter que explorar entre a infinidade de material compartido polos nosos amigos en Instagram.
Para gozar do gardado de publicacións de Instagram só temos que contar coa última versión da aplicación do servizo para iOS ou Android.