Intel presenta a segunda xeración do seu Classmate PC

No marco do Intel Developer Forum de Shanghai presentouse unha nova xeración de ordenadores Classmate PC dirixidos aos cativos, presentando un tamaño reducido e un acabado robusto, así como unha alta portabilidade que o converte nunha axeitada ferramenta para o seu uso educativo.
O primeiro Classmate PC se vía como a resposta de Intel ao proxecto OLPC, pero esta nova xeración confirma a aposta de Intel polo que dá en chamar netbooks (equipos portátiles pensados para o uso de aplicacións baseadas na Internet). O novo modelo de Classmate PC conta cun procesador Intel Celeron M, Wi-Fi, pantalla LCD de 9 polgadas, batería de 6 celas (e longa duración), 512 Mb de memoria e un disco duro de 30 Gb, podendo funcionar tanto con Windows XP coma con Linux, e está pensado que se distribúan con toda unha serie de software educativo preinstalado.
Durante a presentación, Andrew Chien, vicepresidente de Intel, sinalou que os futuros Classmate PC funcionará con procesadores Intel Atom, pensados en boa medida para este tipo de equipos orientados á Rede.