Sharp prepara un móbil solar e resistente á auga

A operadora nipona KDDI anunciou que vai comercializar para o vindeiro verán un terminal de telefonía móbil fabricado por Sharp que busca ser respectuoso co medio ambiente, de xeito que pode cargarse coa enerxía do sol, de xeito que por cada 10 minutos de carga poderá achegar 1 minuto en conversa ou 2 horas en espera.
O terminal non só pode cargarse mediante enerxía solar, senón que tamén é resistente á auga, polo que sería o primeiro dispositivo do mercado con estas características, aínda que pronto veremos outros terminais semellantes coma o Blue Earth de Samsung, que tamén conta cun panel solar e chegará ao mercado europeo na segunda metade do ano.