Libra permite xestionar coleccións de libros, discos, películas e videoxogos

Libra presenta as nosas coleccións dun xeito moi elegante

Os usuarios de Mac OS X hai tempo que gozan dun impresionante organizador de libros, discos compacos, películas e videoxogos chamado Delicious Library, que pese a ser de pago goza de moita sona tanto polo seu atractivo gráfico coma pola súa prestación estrela: a lectura de códigos de barras mediante a webcam integrada no ordenador. Deste xeito, os usuarios poden evitar introducir as fichas detalladas dos elementos das súas coleccións, xa que con pasalos por diantoe do seu equipo xa se achegaba tal información da Internet.
Agora, estas funcionalidades chegan ó PC grazas a unha aplicación de balde e compatible tanto con Windows XP coma con Vista. Aínda que Libra está en versión beta, e clona as funcións do programa antes mencionado, ou sexa, que ten unha aparencia moi elegante (emulando unha estantería coas nosas coleccións) e tamén permite empregar unha webcam para ler códigos de barras.
Ó tratarse dunha aplicación de código aberto, tamén se abre a posibilidade de que os códigos de barras sirvan para consultar distintos repositorios de contidos, e non se limiten ós poucos que hai actualmente (que son aptos para usuarios norteamericanos, pero que resultan deficientes en España).
Estas aplicacións tamén serven para xestionar os préstamos a amigos, imprimir catálogos ou exportalos para a súa publicación na Internet.