Lugo celebra unha feira de videoxogos esta fin de semana
venres, 10 de setembro do 2010
O
Pavillón do IES Politécnico de Lugo (sito na rúa Armando Durán, 3) acollerá
dende hoxe e ata o domingo en horario de 10:00 a 22:00 horas a I
Feira de Videoxogos Cidade de Lugo organizada por Mundobit e ASUPIVA
(Asociación de Usuarios de PC, Internet, Videoxogos e Arcade) e dirixida aos
lugueses que queiran coñecer as últimas novidades do mundo dos videoxogos e
gozar dos seus tÃtulos favoritos para PS3, Wii, Xbox 360, Nintendo DS e PSP nun
evento de balde no que terá lugar un campionato solidario de videoxogos (coma Mario Kart, Pro Evolution Soccer, Guitar
Hero e ModNation Racers) no que
haberá que pagar 3 euros para incribirse, indo a parar a recadación das inscricións
ás unidades locais de pediatrÃa.
Os asistente tamén poderán achegar ao recinto material electrónico
(televisores, móbiles, ordenadores…) para a súa reciclaxe, pois a Fundación
Ecolec achegará un punto limpo ao evento no que sortearán unha consola Xbox 360
entre os cidadáns que participen desta iniciativa ecolóxica.
Esta feira patrocinada pola Fundación Ecolec conta coa colaboración de
Microsoft, Sony, Nintendo, Activision, Konami, EA, Sunny Delight, Viajes Halcón
e Koch Media e pretende tanto divertir aos asistentes coma conciencialos sobre a reutilización de dispositivos electrónicos e a súa reciclaxe, asà coma contribuÃr a facer máis doada de soportar a estancia en hospitais aos cativos grazas aos videoxogos.
