Marc Vidal avalía este luns en Ourense o potencial de negocio das redes sociais

A Confederación Empresarial de Ourense organiza o vindeiro luns un relatorio profesional sobre as vantaxes e inconvenientes das ferramentas 2.0 no rendemento das empresas. A actividade, que correrá a cargo de Marc Vidal, desenvolverase baixo o seguinte epígrafe: Redes sociais e o seu impacto na empresa, oportunidades ao traballar en rede. O relatorio dará comezo ás 19.00 horas no salón de actos da CEO. Cómpre sinalar que Mar Vidal é un dos meirandes expertos do panorama estatal en nova economía e Sociedade da Información.
Asemade, Vidal foi interim manager e máis consultor en modernización de compañías e internacionalización de pequenas e medianas empresas. Hoxe é socio director de Cink, empresa pioneira en Europa na xestión profesional de redes sociais.
Os interesados en asistir deben enviar un correo a gloria.viana@ceo.es ou ben chamar ao teléfono 988 391 110. A actividade desenvolverase no salón de actos que a CEO ten no número 1 da Praza das Damas de Ourense.