MásMóvil estrea tarifa plana de voz por 9,90 euros/mes

xoves, 14 de setembro do 2017 Marcus Fernández

Cando parecía que as tarifas móbiles só de voz eran cousa do pasado, varias compañías comezan a competir en tarifas planas de chamadas sen datos, de xeito que agora podemos ver como MásMóvil ofrece chamadas nacionais ilimitadas a fixos e móbiles (agás para números de tarificación especial e numeración curta ou no caso de abusos como empregar a liña a xeito de vixía-bebés) por 9,90 euros/mes.
Esta tarifa carece de limitacións de minutos e destinos, para tranquilidade dos seus usuarios. Os usuarios que queiran gozar de acceso á Rede con esta tarifa terán que pagar os bloques de 100 MB a 1,5 euros, cun máximo de 6 bloques, de xeito que tras superar os 9 euros de recarga a velocidade baixará a 16 Kbps.
O máis curioso desta oferta é que ten como un dos seus principais competidores a tarifa de FreedomPop que por 8,99 euros/mes ofrece chamadas ilimitadas e 2 GB de datos, funcionando este operador a través da rede de MásMóvil.

PUBLICIDADE