MediaFire estrea aplicación para Apple TV

Os servizos de almacenamento na nube poden empregarse de múltiples xeitos, e aínda que hai quen os ve como unha simple plataforma para copias de seguridade, hai quen prefire empregalos como almacéns de contidos multimedia aos que poder acceder dende distintos dispositivos, e para reforzar este uso MediaFire vén de estrear aplicación para Apple TV, de xeito que os usuarios do dispositivo de Apple que transforma os televisores ordinarios en Smart TV poden agora visualizar en pantalla grande os seus vídeos e fotografías almacenados en MediaFire, podendo tamén empregar o servizo para a reprodución musical.
Estamos ante unha aplicación cun deseño limpo, que facilita a navegación polos contidos valéndonos do Sire Remote, e que permite así que podamos tirar proveito de MediaFire non só en smartphones, tabletas e ordenadores, senón tamén no televisor.
Lembremos que MediaFire ofrece 10 GB de almacenamento de balde, contando tamén cun plan profesional con 1 TB de capacidade e outro para empresas con ata 100 TB de capacidade.