Medra a idade dos usuarios de tablets e eReaders

Distribución por idades de dispositivos conectados

Un estudo elaborado por Nielsen nos EE.UU. destaca que aínda que hai cousa dun ano entre os usuarios de dispositivos como tablets ou lectores de libros electrónicos predominaban os varóns e os mozos, o que parece estar a cambiar de xeito significativo. Así, no terceiro trimestre de 2010 podiamos ver que o 62% dos usuarios de tablets tiñan menos de 34 anos e só un 10% superaba os 55 anos, pero no segundo trimestre de 2011 o panorama amosa unha situación moi diferente, con só o 46% dos usuarios de tablets de menos de 24 anos e un incremento dos usuarios de máis de 55 anos ata o 19%.
No que respecta aos lectores de libros electrónicos tamén vemos que os maiores de 45 anos xa son máis da metade dos usuarios, e estes mesmos dispositivos tamén evolucionaron de xeito significativo entre o público feminino, pois os eReaders pertencentes a mulleres pasaron dun 46% no terceiro trimestre de 2010 ao 61% no segundo trimestre de 2011. No mesmo período o número de smartphones quedou equilibrado en cuestión de sexo, e nos tablets, aínda que medraron entre as mulleres, tiveron que conformarse cun 43%.