Microsoft lanza unha iniciativa contra a piratería do seu Office

Para loitar contra a piratería de software Microsoft comezou hoxe un novo proxecto piloto dentro do programa OGA (Office Genuine Advantage ou Vantaxe de Office Orixinal) dirixido a clientes finais e PEME co que a empresa de Redmond pretende legalizar a situación de centos de milleiros de usuarios.
Esta experiencia desenvolverase simultaneamente en Italia, Chile, Turquía e España, identificándose as licenzas non orixinais de Office para instar aos seus usuarios a adquirir software legal de Microsoft.
Este novo sistema de autentificación do software instalarase nos equipos informáticos e validará as licenzas de Office cando se pretendan descargar certas actualizacións do paquete ofimático. No caso de identificar unha copia ilegal se informará ao usuario, e transcorridos 15 días o programa avisa con máis insistencia (cun máximo de 2 veces ao día) e ao chegar os 30 días o menú de Office quedará marcado cun aviso permanente no que se pode ler «La copia de Microsoft Office no es original».
Esta situación se poderá regular mesmo a través da web de Microsoft, na que se poderán adquirir licenzas de Office a partir de 99 euros.