Natal podería saír á venda en outubro por 149 dólares

A cámara especial empregada no Proxecto Natal

Unha fonte fiable da revista británica EDGE asegura que o dispositivo desenvolvido no proxecto Natal (con nome aínda non definido) poríase á venda nos EE.UU. en outubro por 149 dólares, á vez que poder mercarse en conxunto cunha Xbox 360 Arcade por 299 dólares, de xeito que sería máis caro do que algúns estimaban (agardábase un prezo duns 100 dólares).
A mesma fonte asegura que a data de lanzamento mundial do produto estaría fixada para o 26 de outubro, o que confirmarase no E3, feira na está prevista a presentación oficial do produto que chegará ás tendas no outono, así coma de moitos dos xogos que tirarán proveito do mesmo.
Ao parecer, Microsoft pretende vender millóns de unidades no primeiro ano do produto, chegando ao sector dos xogadores ocasionais con moita forza, pois o sistema de control sen mandos parece presentarse como a evolución dos controis da Wii e da PlayStation 3, e poderían ter repercusións non só nos xogos, senón tamén na reprodución multimedia e outros uso relativos ao lecer electrónico.